51school 2/2 class

Sunday, October 26, 2014

2014 წლის 29.10
სადამრიგებლო საათი
ურთიერთობა
ვისაუბრეთ ურთიერთობის შესახებ,როგორ უნდა მოვექცეთ ოჯახის წევრებს,მეზობლებს,მეგობრებს,თანაკლასელებს,უცხოებს,ინვალიდებს,სხვადასხვა ეროვნების,რასის,რელიგიის წარმომადგენლებს,ისე,რომ მათი უფლებები არ დაირღვეს. განვიხილეთ ლექსის თვითოეული სტროფი.
,,მე ჩინელი ვარ,ეს კი ქართველი,
ის სომეხია,ეს კი ციგანი,
ბედნიერი ხარ თუ თითეული
დღეს შენ საკუთარ ძმად შეიცანი".
ბავშვებმა ისაუბრეს სხვადასხვა ეროვნების ბავშვებთან ურთიერთობის ფორმებზე.
,,თეთრკანიანი,შავკანიანი,
მოგგოლოიდი,ყვითელი რასა,
კაცად მაშინ ხარ ალბათ საქები,
თუკი მიიღებ საკუთარ ძმადა".
ხურცილავამ ისაუბრა თავის სიძეზე და დისშვილზე,რომლებიც შავკანიანები არიან და აუხსნა ბავშვებს,რომ საუკეთესოები ჰყავს და ამით ამაყოფს.
,,ღმერთი ერთია,თუმც სახელები
დაურქმევიათ მისთვის სხვადასხვა,
ამისთვის მძულსო ადამიანი,
გთხოვთ,რომ გულშიაც ფიქრად არასთქვათ!
განვიხილეთ სხვადასხვა სარწმუნოების ადამიანებთან ურთიერთობის ფორმები და გამოვიტანეთ დასკვნა:ადამიანი ისეთი უნდა გვიყვარდეს,როგორიც არის.დავისწავლეთ ლექსის ნაწილი ,,რადგანაც იშვი დედამიწაზე,შენი ვალია,რომ შეიყვარო ადამიანი!"

გამოვიტანეთ დასკვნა:,,სანამ რამეს ჩავიდენდეთ,
საჭიროა დაფიქრება,
თორემ ისე ჩვენი ყოფა
არაფერიც არ იქნება."
ბავშვებმა გამოიტანეს დასკვნა:უპასუხისმგებლო ადამიანი ცხოვრებას უაზროდ ატარებს,არც თავისთავისთვის ვარგა,არც სხვისთვის.
დაასახელეს ანდაზები: რაც მოგივა დავითაო,ყველა შენი თავითაო.
კაცი,რომ თავისთავს დაუშავებს,მტერი ვერ უზამსო.

2014 წლის 22.10
მოსწავლის ქცევის წესები
წავიკითხე,ვისაუბრეთ,დაასახელეს ბავშვების მიერ წესრიგის დარღვევის შემთხვევები,დაგმეს და დადეს პირობა,რომ არასოდეს დააზიანებენ სასკოლო ინვენტარს,არ მიაყენებენ ტკივილს ერთურთს,დაუჯერებენ მშობლებსა და მასწავლებელს,იზრუნებენ ერთურთზე,დაიცავენ სასკოლო რეჟიმს,პატივს სცემენ,როგორც უფროსებს,ასევე მეგობრებს,იზრუნებენ სკოლის პრესტიჟის ამაღლებისათვის,დაიცავენ ეთიკურ ნორმებს,დაიცავენ დღის რეჟიმსა და მიხედავენ პირად ჰიგიენას.

2014 წლის25.10
სადამრიგებლო საათი
ბავშვის უფლებები
ნაწილნაწილ,თავების მიხედვით წავაკითხე ტექსტი,ისაუბრეს,იკამათეს,დასვეს კითხვები:1)ბებო ეზოში,რომ არ მიშვებს,არის თუ არა ეს ჩემი უფლების დარღვევა? 2)დედა მიშლის კომპიუტერთან დიდხანს ჯდომას,როგორ მოვიქცე?
3)გეჯაძე გაკვეთილზე მელაპარაკება და ვეღარ ვუსმენ,არღვევს ჩემს უფლებას თუ არა?
4)ჭადრაკზე დედას აღარ დავყავარ,მე კი მინდა,ხომ არღვევს ჩემს უფლებას?
5)ბავშვები არ მეთამაშებიან,მე გული მწყდება,რა ვქნა?
6)დაფასთან ხშირად არ მიძახებთ,თქვენ არღვევთ ჩემს უფლებას?
7)ლაშა თამაშიდან მაგდებს,ხომ არღვევს ჩემს უფლებას?
ყველა კითხვას გაეცა ამომწურავი პასუხი,შევთანხმდით,რომ დავიცავთ ჩვენს უფლებებს.
გადავწყვიტეთ კლასში შევქმნათ საფოსტო ყუთი,რომელშიც ჩაიყრება უფლების დარღვევის შემთხვევები და ყოველი კვირის ბოლოს მოხდება მათი განხილვა.

2014 წლის 28.10
სადამრიგებლო საათი
სიზარმაცე და მისი დაძლევის ხერხი
განვსაზღვრეთ სიტყვა,,სიზარმაცის" რაობა,ასევე ,,ეჯითობის".ვისაუბრეთ,ვიკამათეთ...თითქმის ყველა ბავშვმა აღიარა,რომ ზარმაცობს,ეზარებათ ადრე ადგომა,მეცადინეობა,სათამაშოების მილაგება და ჭამაც კი.
დავუსახელე წარმატებული ადამიანები და მთავარი მიზეზი მათი წარმატების.დაასახელეს სიზარმაცით მიღწეული სავარაუდო შედეგები:
ა)მათხოვრობა,(სიზარმაცეს მათხოვრობა მოსდევს) ბ)უსაქმურობა;
გ)ნარკომანია;
დ)ლოთობა;
ე)ქურდობა;
ვ)ყაჩღობა.
გააკეთეს დასკვნა:ასეთი ადამიანები საცოდავები არიან,ისინი არავის უყვარს,ყველა თავს არიდებს და სიცოცხლეს მარტოობაში ატარებენ.დადეს პირობა,რომ დაამარცხებენ ამ საშინელ ჩვევას.

2014წლის 16.09 ესწრებოდა20 მოსწავლე

სადამრიგებლო საათი–ბავშვის მორალური განვითარება
განვსაზღვრე სიტყვა მორალი(ზნეობა),ვთხოვე ესაუბრათ , როგორი ადამიანი ითვლება კარგ ადამიანად.
დაასახელეს:ზრდილობიანი,მომთმენი,წესიერი,მიმტევებელი,შემწყალებელი,კაცთმოყვარე; უნდა იყენებდეს საუბრისას ზრდილობიან სიტყვებს:მობრძანდით,დაბრძანდით,ინებეთ,უკაცრავად,გეთაყვა,თუ შეიძლება,მომიტევეთ,მაპატიეთ...ვთხოვე ამ სიტყვების საშუალებით სეედგინათ წინადადებები.
1)თუ შეიძლება,ანას სთხოვეთ.
2)მობრძანდით,გეპატიჟებით!
3)მიირთვით გეთაყვა...
4)ინებეთ ჩემი საჩუქარი...
5)უკაცრავად,არ მინდა....
6)გეთაყვა,თუ შეიძლება წიგნი მომაწოდე...
7)დაბრძანდით,დედა მალე მოვა.
8)ბოდიში,შემთხვევით დაგეჯახეთ.
შევადარეთ უხეშ გამოთქმებს და გამოვიტანეთ დასკვნა:ადამიანის საქციელი მის სახეს განსაზღვრავს.
2014 წლის25.09 ჩატარებული სადამრიგებლო საათი
ოცნება
განვსაზღვრეთ სიტყვა,,ოცნების" მნიშვნელობა ბავშვების დასკვნის საფუძველზე:
ა)ოცნება არის ფიქრი:
ბ)ოცნება ლამაზი ფიქრია,ის,რაც გინდა,რომ გქონდეს ,ან აგისრულდეს.
ყველა მოსწავლემ დაასახელა ,ის რაზეც უოცნებია და დავყავით ორ სვეტად:
ასახდენი: აუხდენელი:
ლამაზი კაბა; ფრთების გამოსხმა;
გემით მოგზაურობა; უცხო პლანეტელი;
ბალერინობა; ბეტმენობა;
მსახიობობა; პრინცესა;
კოსმონავტობა მზეთუნახავი;
ცნობადი სახე; თოვლის დედოფალი;
მთვარეზე გაფრენა; ფიფქია.
აიპოდი;
დიდი ტელევიზორი;
პრეზიდენტობა;
სახლი გურიაში. გამოიტანეს დასკვნა:ოცნება,ადამიანს სიცოცხლეს ულამაზებს,მაგრამ საჭიროა ზომიერება. 2014 წლის 7.10 სადამრიგებლო საათი ფანტაზია ბავშვებს ავუხსენი ამ სიტყვის მნიშვნელობა,ფანტაზია წარმოსახვის(წარმოდგენის ) უნარია,ფანტაზიორი კი ის,ვისაც ეს უნარი გააჩნია. მაგ.ბეროზაშვილს აქვს ამის უნარი,ყველა ამბავს,ან მოვლენას ლამაზად წარმოგვიჩენს,აფხაზავას შეუძლია შეთხზას ნებისმიერ დროს ლამაზი ტყუილი,მოიგონოს ზღაპარი,ან მოთხრობა;ხურცილავა ხატვისას სხვადასხვა მოვლენებს ისე წარმოგვიდგენს,როგორც მის აზროვნებას შეუძლია.ფანტაზიის უნარის გასანვითარებლად კი წიგნების კითხვაა საჭირო. გამოიტანეს დასკვნა:ფანტაზიის უნარის განვითარებისთვის საჭიროა ბევრი წიგნის წაკითხვა,სიტყვების მარაგის დაგროვება,დაკვირვება მოვლენებზე,წაკითხულის გაანალიზება და სიუჟეტის შეცვლა. 2014 წლის 16.10 სადამრიგებლო საათი
პასუხისმგებლობა
ვესაუბრე და ჩამოვუყალიბე აზრი,რომ ყველა ადამიანი პასუხს აგებს თავის საქციელზე,თავის ქმედებაზე,ყველაფერი უნდა შეასრულოს ისე,რომ მართალი იყოს თავის სინდისთან,ოჯახთან,მეგობრებთან.ბავშვებმა დაასახელეს ადამიანის ტიპები,რომლებსაც გააჩნიათ პასუხისმგებლობის გრძნობა და პირიქით. დადებითი უარყოფითი:
შრომისმოყვარე; ზარმაცი;
კაცთმოყვარე; უპასუხისმგებლო;
კეთილი;
თავისი სიტყვის პატრონი; ამპარტავანი;
ერთგული; უზრდელი;
თავისი საქმის მოყვარული; უსაქმური;
გულისხმიერი. უზნეო;